Rabu, 30 April 2014

USIN PUKEBI MAT JUWARA PUNYA CERITA PART 5

YanRizwar Al-lampungi menyunting dokumen.
16 jam
USIN PUKEBI MAT JUWARA PUNYA CERITA
PART 5
AMONG LAK LING

Rasani mak adil kik mak ku sani judul sinji.sebab judul usin pukebi radu wat.nah berhubung waktu seno sai lamon ku bahas tentang tamong midon sai katun katun berubah jadi mong lak ling.tano di part sinji nyak haga nyani penyeimbangni.nyin adil muneh jama usin pukebi sai kaduni terkenal jadi mat juwara no
menurut kisah ni ngapi usin pukebi jadi mat juwara radu pernah ti bahas sekilas dilom cerita sai mena.gelar aslini mat juwara ji husin,husin alamsyah bin ali ibrahim  bin hasan kutaalam pugung.helau nihan gelarni reno muneh bin mik bin ni.kidang mula api husin alamsyah no laju di adokko tian usin pukebi waktu lunikni,reji ceritani
usin pukebi di sanak haruk,ina bapak ni mak lagi waktu ya lagi lunik.usin angkah anak hahana ni.reno muneh bak rek tamongni.kik menurut keterangan keturunan tian sangun angkah kasi wat anak bakas sai riya,kik anak bebai ya mak api api kipak melamon.kik anak bakas mak kasi lebeh jak sai kik wat lebeh jak sai mesti wat sai mati salah satu kik mawat bak ni sai mati.sebab keturunan tian nyancan ilmu tuha "lanang sebiji''.ilmu hibat kik hani tian sai tuha tuha di pekonku.kidang seno syaratni "mengerikan"angkah wat anak sai sai bakasni.kik mawat nulahan
pukok ni berattttt
kidang di kasusni usin ji,injukni menyimpang nihan jak 'konsekwensi' ilmu lanang sebiji no.sebab keliyuan ga sampai sampai usin ji laju haruk mak bu ina mak bu bapak mak muneh butamong kajong lagi.mak muneh wat puwari bakas atau  bebaini,mak muneh wat keminan rek kemaman,mak muneh wat adek atau kakak tamon kajong ni.
pukokni usin 'POSAI',mahap weh nyak nginjam istilah se komering nyawako tenggalan,hehehe
usin sebenorni jelma ni puriang,pu lalang,kidang semenjak mak ni mak lagi (bak ni radu mena) usin jadi pehemma rek pengalah.jadi ya risok di jadiko rek rek ni wewadaaan ni tian.sebenorni rek rek ni  usin mak jahat jahat ga.tian bemaksud gegurauan riya.tian begurau "kebablasan" uleh ni usin sai mak respon.rek rek ni usin terok nihan ngeliyak rek nyani usin riyang lagi pulalang lagi injuk usin sai di kenal tian tumbai.
tiap tian ngejelok usin rek maksa usin bumayin mayin lagi gegoh tumbai,usin mak cawa,rek injuk ni mak haga,reno kik penilaian rek rek ni usinno.sebenorni usin terok juga bumayin injuk sai radu.katung bal,mayin masin masinan,mayin ceculek an di way ngambor,mayin patik lele,gatrik belalang.kidang haga repa usin lagi sedih nihan.hatini kung siyap nerima kenyataan haruk jak lunik
santor tingok kahut ni mak rek bak ni di usin.usin santor ingok dipa ya juga jama emak rek bakni,terutama mak ni.sebenorni usin radu mulai dapok nerima bak ni mak lagi,kidang waktu mak ni sai mak lagi,laju ya tingok luwot di bak ni.
injuk waktu jeno pas rekni ngurau midor,narek narek ya nyin nutuk main katung bal.usin surok nihan kidang di paksa teruk uleh rek rekni.usin mak nihan wat rencana haga pukekebi,kidang waktu ya di ngejimpangko cukut ni luar jak lambani ya tingok mak ni sai biasani di salam ni pai nyiyum culuk ni mak ni.biasni usin ja salam no langsung tegar  mik kabanni rek kantekni.semakkung likut biasani usin ngerilong mik kudan sambil ngedadahko culukni,sebab mak ni pasti ngedadahko culukni daleh cawa "magerib dang kik mak mulang"
"yu mak" hani usin sambil nepuk layang ni rek ni  rek semapu ulahni di kawan sohibni nyin di  pupuh tian,laju lalang lang segeluntoran kapan kik usin kena di cancan tian
sai paling sedih ngeliyak keadaan usin tantu da kawan lima serangkai ni.
ari,sanak umbul hadap masjid
upan,sanak doh redik surau
rendi,sanak redik pengkuboran
arjunl,sanak empres
tian lima no semakkung ni selalu kompak.kemujoran muneh tian lima no sai sd,di sd empres
sdn 2 marang.jejama kelas pak  nuju cecakak an kelas lima.tiyan lima no kompak nihan mik dipa dipa barong kipak sekejawohan rang.tiap waktu tianno kumpul wat wat gawoh acara tian lima.kipak angkah seguncengan regah mik bah menok lawok,menok jelma narek jukung di labuhan
ya mulang mulang radu ngikingko pusengtingkilan tian
semenjak usin jadi pukebi setres tian pak,sebab usinlah sebenorni sai ngehurikko suasana selama sinji.kik umpama iklan "gak ada loe,gk rame" dapok jadi "gk ada usin,gak seru"
kidang tano sai wat usin,usinni jadi jelma sai pehemma nihan,mepagoh nihan,asik tak ni ya mak senang,ya mak nerima kik rek rek ni kumpul kumpul barong ya.
saka saka rekni kesol juga.api lagi umbul atar sikuk,di uncuk ni nihan semakkung cakak renglaya tebing handak daerah kebun rek atar surabaya
di tambah lagi renglaya ni sai cadang,sangun renglaya kuruk mik di kupang bah /kupang ilir ji sangun jahal nihan.maklumlah kan perkampungan pribumi di anak tirikan
kidang renglaya umbul parah ni mak ketulungan.ya terai cutik gawoh ngegenok jak bincahan unyin.ya musim panas lubang rek rulah unyinn injuk kabanan gajah jak liyu
upan jak doh sai mena ngemulai istilah usin pukebi ji
jak pagi hayu upan berencana haga ngurau rek rek ni turun mik bah,regah mik penggilingan(bangun jaya) ya radu tiram nihan mandi di lawoh daleh nulung narek jukung.ya radu tiram muneh manggang iwa di pingger lawok.ya radu tiram muneh keseruan kena halang manggang iwa redek pelabuhan.nambii dibi ya tungga Arjun
jak di kudo konni ketiraman rek ide jahil ni.arjun setuju setuju gawoh ti urau kita sai bareh n hani
oo hani upan."kidang pan,niku yu yai ngurau usin" hani arjun muneh."yu hani upan,pukokni jemoh ram bertualang,kik usin no mesurok surok injuk biasani usin pukebi do da gelarni"hani yupan sambil lalang rek cakak di kertanginni mulang
"dang lupa jemoh pagi yu hani"
lepas jak nutuk bak ni ngeluarko jawi,upan geluk geluk mengan,cagatan ni semakkung dawah tian harus radu dibbah mandi di labuhan,sambil nulung narek jukung dawah ni.kadu bakar bakar sambil begurau lalang waya.siipppp rencana sai sempurna,pasti usin riyang luwot ''cawa upan lom hati ni
rencana tetap rencana jam rua tian ampai kumpul,jam radu nunjukko angka telu pak mpuluh lima.usin pagun ninggong mak haga.semapu cara ngerayu yanyin nutuk pagun mak haga.pira kali radu ngejimpangko cukut usin no kidang mejong luwot daleh pukebi kebi.upan cakak emosi ni pira kali
kidang usin laju gawoh di keputusanni,malah ya dulik di lantai resi di pepanca lepau lamban tiyan
bela sabar ni upan,ingok cawaku nambi dibi jun(arjun) jak tano sampai kapan juga setiap nyak ngurau gelarni usinni haga ku urau usin pukebi kik ya mak haga nutuk juga,di dengi ari,rendi?.hani upan di rek rekni sai bareh
repa da usin jam pak tenggg  bok agi keputusann,hani upan menok usin.kesol nihan upan keliak an ni
jak seno tian lima ngehema
jam di sesai nunjukko jam pak liwat lima belas menit.meledak suarani upan."usinnnnnn nutukkk"
di tarek sesahkonni usin.pukebi kebi pudak ni usin sambil ya cawa,kipakbadanku cigah nyak mak haga acak"
di jerelakkon upan usin no mik sesai,bela nihan sabar ni upan kali sinji
ari,arjun,rendi ingok cawaku.jak tanno sampai kapan juga kik nyak nyawako usin ji.usin pukebiiii,liak pudak nii
mak taru pukebi kebi manjangan.pukok ni keti telu juga wajib hukum ni ngurau usin ji,usin pu kebi.kik mawat cadang be rek ram.keti telu tinggal mileh.hani upan.daleh ya luar.mulang
tian telu,rekni,angkah bengong,laju nutul upan muneh macu kertanginni tian masing masing
injuk ngiringko bebol tanyut usin menok rek rek ni telikut
wat rasa sesolni,ya radu ngecewako rek rek akrab ni.kidang haga repa jam 2 menjelang jam 3 telu rani siji.genap setahun mak ni mak lagi.jam telu menjelang jam pak bak ni ninggal pak tahun sai radu.
jak senolah usin mulai di kenal hulun "usin pukebi"
usin dapok ngemaap konni kik epak rek akrab ni sang ngurau ya "usin pukebi"sebab sangun ya salah
kidang usin pukebi tano sa jadi adok an jelma sanga pekon
jak ujung mik ujung di selatan ji pandai ni  gelarni ya usin pukebi
sampai ya smp di ngambor(smpn 1 ngambur) pagun juga lelajuan jelma ngurau rek ngadokko ya usin pukebi
mak tahan usin,ketutuk muneh keadaanni sai risok menok jelma belajar pincak jama among pudin
laju ya di kayun among nutuk muneh,radu mutus ya
tepat kelas rua smp,adok usin pukebi mulai lebon,berubah jadi mat juwara
reji ceritani...................


ti sambung ram di
part 6 judulni MAT JUWARA


TUKANG TULIS :YanRizwar Al-lampungi(jonisepriYAN bin RIZWAR hakim) 
HAGA WAT GUWAY BAREH PAY
Suka · ·
Diposting oleh di Tidak ada komentar:
Label:

USIN PUKEBI MAT JUWARA PUNYA CERITA PART 4

YanRizwar Al-lampungi menyunting dokumen.
29 April pukul 19:21
USIN PUKEBI MAT JUWARA PUNYA CERITA
PART 4
USIN PUKEBI

awas,awas awas
''awas sin" brukkkkkkkk betek tumbor ni usin,ulehni kertangin ni amon lak ling
mehili  rah jak irungni.'mahap.mahap,mahap,minjak"hani mong lak ling daleh nulung usin pukebi minjak
di pusau pusauni buwok rek pudakni usin,di keter keterkonni jukuk rek harebuk di kawaini usin."niku mawat api api kan?"tanya mong lakk ling.mawek mong" hani usin pukebi daleh pudak ni pukebi kebi injuk haga lungkop teraini bog agi.kik mak meliyom di rek kantek sai risok ngepepuncuh ya ngucakko ya pu kiwang jak jeno ya miwang
sakik ati nihan ya jama mong lak ling,wat sumbor lom hatini haga ngebalos kidang haga repa gelarni juga kecelakaaan usin muneh sanak lunik.reno sai di cerita ko usin di nyak.
wat muneh cerita ni,jak ipa asal usulni adok lak ling jak gelarni among lak ling no.
among lak ling termasuk among gaul kik ku piker2 jak cerita ni usin pukebi tentang among sai sinji.
among lak ling gelar aslini midun,among midun bak ni irwan kakak tingkat sma ku,adik tingkatni abang idi ku sai tano sa di aceh
among midun menurut keteranganni usin pukebi reno muneh sepandaiku selama nyak tinggal dipekon,among midun sangun among gaul sai mececelEh,me e aneh.lambannni among midun bangun jaya,sedang kan lambanku di kupang bah di daerah impres /ulok punjung,ngapi muneh impres/ulok punjung sebab daerah seno tanno redik sdn2 marang,sd impress,sedangkan ulok punjung sebab tumbaisa waktu pembukaan daerah seno,watulok rek punjungni di way ngambor di kudanni pemukiman disan.sementara usin pukebi tinggal di umbul.ngapi muneh disebut umbul?.halok ulehni tumbai sai daerah disan jak umbulan tian waktu ngebukak daerah kupang marang ji.rata jema sai ratong rek ngebukak daerah kupang marang tepat ni kupang bah/ilir,tian rata 2 jak daerah unggak,jak marga2 tuha daerah krui ji.wat muneh kik titelusur wat sai jak liba haji muaradua injuk sekam ji jak garis bak.
makani najin sekam  di pekon marang,kik menurut keterangan bak sebenorni kuruk di marga ngambor di junjang tian maseh ngiriko perwakilan mik marga ngambor.hani bak kik pekon tuha(marang) mak ngirim maka jak kupang marang sai di tunjuk ngewakilkonni.bak tian unek risok ngewakil konni.
among midun ki menurut keterangan bak jak daerah tian juga,jak  pahmungan api jak kampung baru,api jak daerah bareh,kidang sangun jak daerah asal sangun bak radu kenal di ya no
among  midun sangun jak ngurani ilmu tahi,rek mececeleh meseseleh.sayang ni sampai metuha mak ngedok rubahni mak melor celorni malah tambah parah
kebunni mong midun di atasni umbul di atar surabaya.lambanni mong midun no sangun di pinggerni renglaya jalan lintas barat sumatera,sedangkan kik ya haga mikkebun jak bangun jaya no ya nutukko renglaya bareh,renglaya kuruk lintas kupang hahaha,kupang bah ji sangun hibat wat pelesatanku tentang ni PKS partai kupang sejahtera hahahhaa,renglayani jalan tol haku,waktu sekam rua rasanku segegurauan,membahsa tentang daerah masing2.ngebanggako daeah masing2.renglaya lintas kupang ji renglaya kuruk simpang kiri kik arah mik bandar lampung.mung midun waktu nyak lagi lunik ssampai sma tiap rani ya liyu haga mik kebun rek halok muneh sabahni tugok tanno juga kidang radu mejarang ,berhubung usin pukebi jak ngurani jak nyak,juga ya duri nutuk merantau tattu dsa lamon cerita tentang among midun ji di tian pekonno nyak mak pandai
cerita tentang amon midun gelar aslini sai helau ji jadi among lak ling,reji cerita ni.among lak ling atau among midun kik ya haga mik kebun atau sabah ya cakak kertangin,kekala ya tenggalan kekala muneh tian rua bebai ni.kertanginni among lak ling kertangin balak,kertangin tuha,kertangin ni jelma gaul rek koboi.sebab kertanginni among midun no tanpa rem tanpa bel kring kring.bel ni mong midun atau mong lak ling ji suarani nyin hulun sai liyu di renglaya sai cadang parah no nyingker.dijalah adok among midun jadi mong lak ling,sebab sanak sanak disan lamon sai mak pandai gelarni kidang gering di lelakun ni kik ya liyu disan,kuk usin pukebi sebenorni gering di amon no kidang kapan ya tingok jak di tarup kertanginni mong midun no haga pak di rimbatni.kidang dipa ya sanggup sebab semakkung kesolni laju semapu tingkah ni mong midun nyin sanak2 lalang lalang.
nyak juga wat cerita khusus tentang mong lak lig ji
kidang payu ram dengi ko gawoh versi cerita jak usin pukebi ngapi bang mong midunno jadi mong lak ling.oya wat sai lagi adok among no terkenal nihan kidang risok kena butong skam kik ngucakkonni reno di dengi sai tuha
reji ceritani mat juwara no
"reji bang ngapi bang among seno di urau sekam among lak ling sebab tiap ya liyu,kik ya icak icak ngerem padahal ya mak ngedok rem,,"ciiiittt,ciiiiiiitt,cciiiiiiiiit,hani.kadu kik ya icak icak ngebel ngebunyiko belkring2 no jadi "tling tlingggggg,tling tliiingggggg,tlingggggg tlingggg,tlinggggg tinggggg,pompommmmmpompommmmmm tling tlingggg...."sambil induh induhhhh lelugah rek lelakunni nyani nyin sanak mingger rek lalang lalang."wat sai lagi bang" hani mat juwara di nyak ,kapan kik ya haga niru suwarani puso sai pompompommmmm injuk sai di atas biasa ni mak lupa sai lagi" laju mat juwara ji nyeritakonni.nyak jadi dilema mak bangik nyak haga nyeritakonni kidang payu do nyin pembaca muneh lengkap rek usin pukebi ji utuh ceritani terpaksa da ku ceritako.dang butong nyak lagi yu makkkk.
versi  lain gaya gaul ni mong midunno selain lak  ling
waktu ya bekertangin sai nyani heboh rek risok kena protes bebai bebai makani jarang ya ngeguna konni yakdo lah
tling tlingggg,tlinggg tling,tling tingg.pompommmm pommpommmmm pommmmpommmmm.pengpuk,,,,,,pengpukkkkk,pengpukkkk pompommmmm pommmpommmmmnah laju skema urau muneh mong midun no jadi mong p*ngp***K.kidang  nyak kena butong.pernah nyak keceplosan hani usin pukebi,waktu sekam cerita cerita di pepanca ni alak bakas amon noliu,sanak hebohhh nyak juga hebohhh mak senghaja nyak cawa among p*ngp**K liyu haku.ku rasa cupingku mepanas wat sai mawitko cupingku,"aduh aduh aduhhh"hani usin pukebi,kuliak pudakni injuk serius nihan cerita.percaya gawoh nyak
kadu sapa haku sai mawit nikuno,lain angkah kena pawit cuping nyak bang kena bibek muneh tenai ku."nayya sapa ano" timbalko mak sabar."mak balak bang"jawab usin pukebi daleh ngimut2 sedikit meringislah kik lom bahasa indonesia ni.laju nyak ngekakk tingok nyak di usungko mak sapu,waktu maseh gawoh bangukko nyawko amon no mon p*ngp**k.sebenorni ngurau among lak ling juga kena butong kidang haga repa lagi sangun ulahni mong midun muneh salah.kik tumbai risok nyak di jelitko mak matani kik ngurau mong midunno mong lak ling sebab lak ling no singkatan jak kata Balak t*ling.
hehehe  kejung nihan cerita sinji ya,sebenorni ide awalku di cerita sinji haga nyeritako tentang asal usul usin ngapi ya jadi usin pukebi,laju jak seno ngapi muneh ya jadi mat juwara dilom cerita lanjutan jak sinji.kidang haga repa cerita radu jadi.laju ngebahas mong lak ling reji.halok cerita sinji sangun berkesan nihan jama penulis reno muneh jama usin pukebi.sai risok makai istilah lak ling hani ya daleh pudak lucuuuuni munculll kik wat  api2 sai kirani nyani ya kesol  kidang di hiburni hatini rek ram nyin lalangggg.tiram muneh nyak di kelitah ni nooo.api kah di jagad palembang ji lebon kelitah seno  api mawat,induh juga sebab kung nihan petungga luwot jama ya.angkah sms2 ni riya sai terus kuruk di inbok ni kartu modemku
heheheh usin usin,kalu niku jadi mat juwara,sai selamat rek buguna di sesama.dang muloh jadi pukebi sebab usin no husin gelar ahlul baitttt cucu nabiii.lain pukebi sai mudah ga lunik hati rek miwang.
tambah seru gawoh cerita ji pengrasaku jadi betah nyak di hadp ni netbook ku ji.kidang haga repa tenai radu metohhh
........kanah tisambung gi wat ga ga guaiiii(ngisi tenai,hahhhahaa)
Diposting oleh di Tidak ada komentar:
Label:

USIN PUKEBI MAT JUWARA PUNYA CERITA PART 3

YanRizwar Al-lampungi menyunting dokumen.
28 April pukul 22:20
USIN PUKEBI MAT JUWARA PUNYA CERITA
PART 3
Aii LAMPUNG JUGA

rek kantek pasti pandai palembang kan? kik stigma palembang di pekon ram mak nihan mehelau,bebaini pemalas,balak hati,rek ngelawan bakas.kik bakasni mak  ngedok muneh helau ni sampai sampai terkenal pepatah wong palembang menang segek nya doang.menang gertak riya kik kena gertakanni sekali jadi babu tian ram
hani tian muneh jelma palembang ji mak dapok jak hadap jak kudan.api lagi di tambah cico tian "katik wong palembang mati sakit,mati tujahan galo".wow haku lom hati
makani waktu haga merantau mik jagad palembang ji waktu keterima kuliah di universitas sriwijaya water tian pekon di.di siapkon tian nihan mudal merantau sa.kidang nyak gawoh sai tangkaran makani nyak angkah diwajibko tian pandai silek lampung sebagai persiapan.lom hatiku kik sangun haga mati,mati gawoh najin dilom kelambu ya,kik mawat,mawat no do kipak kurung di lom kabanni jabal.petuah petuah sa,telambun mak kehitung2 rasani gegoh injuk haga ngelucukko anak meranai ni nuju medan perang do.sampai2 waktu nyak mulang buaka di wajibko tian ngakuk ilmu kebol,hahaha.terpaksa kuguai ko puasa 12 rani,itung2 diyet lah pikerko waktu seno.nah sai menegangkan ni waktu ti tes.anggapku gila angkah puasa riya,kidang api nyatani paman,adik ipar ni adikni makku.ngayun nyak dulik di lom kamar.di urauni nyak ngobrol2 daleh ya ngememainko candung tengharing.hiting ngingian nyak,hani paman senin,bakas jak kalianda ji'santai gawoh niku bog agi candung siji sai haga ticikakko di niku"ya sambil ngimut2 suwa lalang2 cutik ku baca unyin sepa sai nyak pandai.cegup cegup  cegup kudengi suwara candung di cikakkonni di tenaiku.tekejut nyak daleh gambang.ya lalang daeh musau2 tenaiku.hehehe mak api api kan(nakan),hitingan kuk suyutku gambang rek besukor.mak jebollll.penyanaku gila hak radu,santai santai hani,di  pusau2ni candung rek  tenaiku,di urau ni nyak ngobrol2 lagi waktu nyak lengah mak keangon hak haga di cikak2 ni luwot ku dengi cegup cegup cegup nyak di cikakni luwot,rasani nyawa ku kambor.halok injilah sai di sebut hulun tekesau mayaku.di tepuk2 ni dadaku,di pusau ni ulu ku,radu kan(nakan) hani,minjak do.
usung di guai helau hani,ilmu ram  ji mak ngedok pantanganni.angakah sai harus di perhatiko dang diusung sombong sebab tuhan mak gering jama jelma takabur.kik tuhan mak senang api ya celaka ram hani.kidang kik terpaksa do,ngegertak musuh.akuk do lading atau candung,sihol sihol ko di penggelangan culukmu.kik ya jeboldang paman hamu ngurau nyak.
he he he seno angkah pengantar ceri ta jak nyak
repa seruni nyak waktu haga rek ampai merantau di palembang ji.sai saka2 nyak merantau dija ampai nyak pandai wong palembang sai di kerabaiko tian di palembang ji rek ngepopulerko seramnipalembang di luarji tian kemanno jolma kumoring(jelma komering) ya nyak nyaraman rek risok bugaol jama tian rupa ni tian no lampung juga.kidang tian tinggal di provinsi sumatera selatan.bahsa,adat,perangaini gegoh.kik menurut peneliti sejarah tian di golongko di dialek A/lampung pesiser.
kik nyak alhamdulilah radu lamon pandai tentang komering,daya,ranau,kayu agung rek kaitannni jama lampung.kidang sumang lagi jama usin mak pukebi lagi (mat juwara)ya terus neror nyak  jama sms2 jak kartu sai sumang sumang,sehehaga ni ria.kadang wat di  juk ni nama pengiring "mat juwara" kidang serisokni mawat.untung do nyak paham gaya bahasa,penulisan,rek topik2api sai menanrik haga di bahasni.kekala ya nanya kekala muneh injuk ngeni pandai kidang bingung.sai nyani nyak senang,radu pira bulan mat juwara di pelimbang ji mak pernah ya sekalipun mak cawa lampung di nyak najin serisokni lom sms.salut nyak jama mat juwara ji.induh kik ya kung pandai cawa palembang atau sangun cintani do ya jama suasana kelampunagan di rantauan ji
injuk jeno ya ngirimko 3 sms ,sebenorni ampai ku baca jeno semakkung nulisko cerita sinji.kupiker2 mat juwara sinjihibat.ulehni nyak tergerak nyani cerita sinji,induh jak ipa ipa inspirasiku nulisko topik sinji.rasani mak bela bela bahan kata2 ku mengekplor cerita tentang mat juwara rek nyakku.nyak juga mak pandai jak ipa kekuatan sinji,rasaniseru gawoh bermajinatif dan mengulang cerita.mat juwara hadir mengobok2 rasa malasku nyin tergerak ngerangkaiko kata2 sai dapok ngeekplor sisi2 sejarah sekam rua
ku baca ko sms ni usin si mat juwara
reji isi ni :ai selut bang,komering ji lampung juga.wong palembang-wong palembang sai di cawakon tian ji ngelawan2 di palembang rek di rantauan rupani tian kemanno.sai cutik2 haga magas sai mak selesai jak hadap jak kudan.sai lamon jadi begal,penodong,preman,sai lamon ngegunako pistol rakitan,sai daerah tian(komering) seno texas ni indonesia.
smsni sai lagi,rejihani
jawoh jawoh merantau,radu 5 kali mutus guru.penyanaku ratong mik palembang ji injuk nyepok haga kepatian,rupani puhalu lampung juga.kolpah hani tian komering ngurau nyak ji bang,kiyai /yai hani tian muneh kik  ngurau abang di nyak ji tano dija.hahhahhhaah
ngimut ngimut nyak,cunggok2 rek digok2 ulu.lucuuuu terok nihan nyak  lalang.kidang lagi dapok ku tahan
ku baca smsni sai lagi
sumpah mak ketahan lagi nyak lalang
daleh lalang ku lanjutko tulisan sinji
reji bunyi sms ni
"jalak bang,bang hani tian komering jak kayu agung ji mak ngedok kik hani kita,hani tian MAK OMET,ratong muneh komering gunung batu mak ongka,jeno hani ram jona hani tian.kik komering daya atmik hani bang,podor hulu ku lajuni :)haruskah  aku berbahasa palembang oh yai jon ku sayang"
nyak lalang riya induh mansa jak ipa ya ngurau nyak yai jon,halok pengaruh komering no.nyak juga mak pandai utokni jak ipa nyak di urau ni abang padahal kik ya dipekon nyak di urau tian kak yan.haduhh haduh mat juwara
gaul muneh mak kehingga niku ji.ku rasa halok ya mansa ngurau nyak abang sebab pertama kaliya ngedengi nyak dija kena urau abang ulehni kabanni sanak2 batak mahasiswa baru

bersambuang luwot
tukang tulisni lagi haga wat guai bareh :)nah tukang tulis ni :yanrizwar(jonisepriyan)
Suka · ·
Diposting oleh di Tidak ada komentar:
Label:

USIN PUKEBI MAT JUWARA PUNYA CERITA PART 2

YanRizwar Al-lampungi menyunting dokumen.
28 April pukul 11:36
USIN PUKEBI MAT JUWARA PUNYA CERITA
PART 2
BUDAK
                                                                                                      tukangtulis :yanrizwar

wat pengalaman seru ku sai haga mak haga ku ceritako di keti dija,kuk usin pukebi "mat juwara" ngalami ni.jawoh jawoh jak kupang ilir  pekon marang mik palembang ji angkah haga ngerilako badan di urau tian "budak".kik nyak pertama kali ni di urau rek di cawa ko tian budak merunggak rasa di dada ku,mepalapala rasa ni apuy di utokku.cawa ruta sumpah serapah kusimpon lom hati,mak bangik sebab sai cawa ajong2.ku sesabarko hati kudedengi ampai kadu ni nyak ngerti,untung nihan mak kelepasan
lain lagi ceritani pengalaman  usin pukebi sai tano sa terkenal di urau ulun mat juwara.induh angin api katun2 kebunyi netbook ku,wat sms kuruk(oya nyak lupa nmr sai di pandai E iya tano sa ku gunako sebagai kartu ni modem)
reji bunyi ni
"jalak bang,jawoh jawoh jak krui di merantau icakni mik  palembang ji.angkah haga ke budak an.luwangan do jelma palembang ji,bang unyinni jelama sai ratong di budakko tian"
nyak ngimut ngebacani,najin nomor baru,kipak sms tanpa nama pengirim nyak paham pasti sms jak mak juwara
si usin tumbai sai pukebi,sai tanno lumayan nyani was was di hati
ku ingok terakhir putungga ya,kuberuhko petuah2 tuha jak mak rek jak bak waktu nyak merantau sa.juga jak among guru sai kebetulan muneh guru ni mat juwara.istilah karuh ni mat juwara no adik seperguruan ku, hehehe
nyak pertama kali kenal mat juwara atau waktu seno di urau tian usin pukebi,wat muneh sai nyawkonni usin usuk latap ingu waktu ya ngejual ko iwa jak uleh ni mamak RI najor di paya atar sabah kupang.waktu seno ya makkung sekula sedangkan nyak  siswa pindahan jak sdn2 ngambur mik  sdn2 marang sai kuk cawa lampung makkung runtut,malah sai meralisni cawa jawa rek cawa sunda.
ku ingokko nihan nyak sd sayya,kipak radu 3 tahun nyak pugepuk kabanni jema lampung,pagun nyak masih jadi jelma puhema,mak lamon ulah,cawa seperluni riya,angkah untungni nyak mepintar di sekula,makani nyak lamon rek
nah bang nyak lajulajuan nyerita ko nyak riya,dipa mat juwarani sai tano sa jadi budak lampung
ring riring riring bunyi sms kuruk,ku silerko netbook ku di sebelah kanan,kuliak wat douyy sms kuruk.kuperhatiko nmrni gegoh injuk nmr sai mena,usin pukebi
kubaca reji bunyi smsni
"ai canggut kidah bang,nyak diurau tian budak lampung padahal nyak bebas merdeka di palembang ji.padahal nyak ji lampung sa lain hak nyak budak ni lampung"
ngimut nyak ngebacani,haga ku balos nyak water pulsa utamani bela,laju paket internetku mak dapok ku pakai lagi.ku taganko makku jawab laju gawoh nyak ngetik
ring ririrng riring bunyi sms kuruk,pasti mak juwara tekok ku lom hati,kusilerko temon do tekok an ku nmr sai jeno do,ku baca reji bunyi smsni :
radu ku cuba bang,cawa palembang ji kidang pagun di tekok tian nyak ji jema luar.kik mawat komering batak hani tian.waw do,jema palembang ji do haku.ahh komering niku ji hani tian keliak an jak cengkokmu.tepaksa nyak ngaku nyak lampung haku.bukan lampung itu jawa hani rekni di kebelah,bukan lampung itu suku tersendiri,suku lampung haku,iyolah cak uwong komering,ranau mun di sumsel ni hani rekni sai lagi.sapa komering no bang?
ai dasar mat juwara kik sangun usin pukebi no perhati,sangun jak awal ya radu ngedengi skam amid cawa komering waktu nyak nginjam mutor odong2 waktu haga ngantakko ya mik kerta pati.
terok nyak ngebalos rek ngejelaskonni di  ya.kidang haga ngisi pulasa pai  mejawoh ketutuk keuangan lagi kembang kempis,makani 3 kartu semaput pulsani,hahahaku cek pulsa modemku,dapoklah sms kik sekali
laju ku jawab borongan gawoh "asal dang ram jadi budak bedua tian mat,"haku singakat
wiwing wiwing sms balosni ratongkubaca "uy bang api hubunganni lampung jama komering?''
nakacah mat juwara  ji puhok akal ku haga nawok keni,kik mak ngedok pulsa reji
radu pai ah pusing nyak nyeritako rek nawokko usin sai mak pukebi lagi,sai radu jadimat juwara sai lamon tanya sai mak  nerima jadi BUDAK kidang terpaksa nerima di cawakon tian budak(anak/orang dari) lampung

bersambung lagiii
Suka · ·
  • Bang Win menyukai ini.
  • YanRizwar Al-lampungi
Diposting oleh di Tidak ada komentar:
Label:

USIN PUKEBI MAT JUWARA PUNYA CERITA PART 1

YanRizwar Al-lampungi menyunting dokumen.
28 April pukul 7:13
USIN PUKEBI MAT JUWARA PUNYA CERITA
PART 1
MAGAS

lom kesempatan sinji penulis haga bucerita,nyeritakon tentang lelakun manuk lelaja halimawong lain di rimba
yakdo lah tersiar kabar tentang sanak haruk di pekon marang tepatni dusun kupang bah/ilir pasangan jak kupang atas sai sangun wat di daerah unggak ni.jak lunik ya haruk di tinggalko ina bapak mati.pantas do ia mebalak jadi juwara sebab jak lunik sangun radu tebiasa nyepok rek nyelesaiko sesuatu tenggalan,jak lunik muneh ya sangun jadi magnet rek pusat hampuk an jema di pekon seno.mula ni ya peliyom rek pengalah kidang semenjak ya puhalu tamon pudin guru silek lampung,ya di gembleng nyin jadi pribadi sai tangguh,jadi pribadi pendikar.ya mak lagi lunik ati rek nagan ko hulun sehaga haga lagi.risok ku liak ya sabar  nasehati rer kantek ni nyin dang sembarangan cawa api lagi ngereriguE iya.pernah juga ku liak ya kehatian rek ninga ulehni gegurawan sai radu keliwatan.ya ku tanya api kik ngebani niku bang kehatian,kan ani among guru dang mudah ga cawa matang apilagi neting ulun.haniya repa mak nyak beringasan ina bapakku kuk tuyuk turingku di kuboran di ungkit2 rek di wada2 tian,nyak lagi dapok sabar bang hani,kik nyak gawwoh sai di hina2 tian kemeno kidang kik radu seusungan ina bapak kuk muyang2 reno lain haga benorni lagi.oo haku sambil ngekui ulu
seno cerita pengantar ni riya,seno cerita 6 tahun sai radu,waktu nyak mulang pekon waktu sanak haruk seno kelas 1 smp.nah nyak hamper lupa ngeni pandai keti gelarni sanak haruk sinji,ya biasani di urau ulun husin kidang kik rek2 ni sengepekon ngurau ya mat juwara.induh jak ipa asalni tian ngurau ya reno,kik kudengi2 ceritani gila,gelar seno ngelekok sebab husin no selalu menang kik rigu semenjak ya belajar silek.padahal semakkungni ya di adok ko tian usin usuk latap ingu,pudak pukebi.hehehe
nyak mak nyangka meranai lagak sai cecok di hadapanku ji mat juwara,ya lalang sambil ngimut "ai bang temon ngia nyak ji HUSIN sai pekon ram.ku liak mat juwara mak lagi kuliak pudak pukebi ni api lagi imbau usuk ni injuk watku lunikni sai latap ingu.api aga guai mu mat dija ji.dijawabni hahahahaha tattu da haga kuliah bang,ranno da kik niyat ni hati ninggalko pekon.logat ngambor ni luar,hahh usin2 padahal sepandaiku angkai smp riya ya sekula di ngambor di.kik mak salah sd ni di kupang ilir di do,sma ni di sma biha.
ui  bang,ngapi kik niku ngelagok,api sai dipikeko.tenang gawoh hani daleh ngimut,rasanmu sai di biha di sabar nunggu.ahahahah ya lalang.nyak angkah ngekui ulu sai mak megatol,lom hatiku ngereranya "selehmu  sin,lain seno sai ku pikerko kantu haga ku batokko dipa niku kanah,haga ku inokko dipa badanmu no".
mat juwara injuk ngerti apai sai ku pikerko,daleh lalang ya cawa "tenang niku bang nyak radu wat rang minok".dipa rang ni jawabku.tenang gawoh niku hani muneh
mawek haku,pukokni harus jelas dipa,di terminal hani
terminal 32 timbangan kudo haku,mawat hani.kadu,
terminal karya jaya kudo haku.lain hani
"terminal kertapati".utomu haku,seno setasiun uyyyy
he he he he seno  maksudku bang
ku antakko ya untung gawoh wat mutor odong2 ni amid meranai komerng ji.
wat kik 2 bulan mak ngedok kabra beritani mat juwara,ku sms mak di balos ni ku miskol mak di angkat ni,ujung2ni mak aktif.induh api ngebani mak aktif halok nihan ulehni jak ku cawa ruta ko.seminggu sai radu ampai nyak pandai kik nmr sai di  keni konni nmrni dewi anak ni  alak arya.pas nyak mulang saka no katun2 nyak kena pitit jak kudan,ya kuliak dewi.nah nah nah tingguk sanak lunik ji haku,lain kik ti salam mamak mu ji ampai di pitit pitit.dang manja2 ga mak kasi haku.waw do sapa sai haga manja2 an,huhh hani.kadu api kidah,haku diya daleh icak2 ngejelit.mamakluangan sms2,mcl2,rek butong2 di nmr ku hani,api mak salah dengi kudo nyak haku muneh.mawat acak mawek do,ku simpan ngia nmr ni mamak di simpanko mat juwara,ani ya mansa jak mak empres.
haduh kena nyak,cawaku lom hati.wat wat gawoh guai ni mat juwara ji
lain lagi cerita lain lagi haguk  ni ajo,najin ya tentang mat juwara juga.kidang ajo tentang cerita petualangan ni di  palembang.pira kali ya sms jak nmr sai sumang2.ya nyawako hibat do kudo bang wong palembang ji sai cico nikatik wong palembang mati sakit mati tujahan galo,wat muneh smsni pakam do kudo bang jelma sekayu ji sai cico tian mati dem asak ngetop.dang gawoh nyak di culek tian ku pagas hani

bersambung.......

TUKANG TULIS :yanrizwar al-lampungi (joni sepriyan)
Batal Suka · ·
Diposting oleh di Tidak ada komentar:
Label:

SINOPSIS NOVEL "MARWAH DI TENGAH BARA"

YanRizwar Al-lampungi menyunting dokumen.
Kemarin jam 2:24
sinopsis novel MARWAH DI TENGAH BARA
TUKANG TULIS:YanRizwar Al-lampungi  

spesifikasi novel:
-novel sejarah

yang di sorot:
-sifat kesatria para pendekar silat lampung
-persatuan dan kesatuan serumpun
-meminimalisir efek cerita yang  akan membuat perpecahan
-menunjukkan marwah ulun lampung  melalui cerita
-marwah di tengah polemik dan komplik
-

latar belakang cerita :
-kewedanaan krui
-penjajahan inggris
-penjajahan belanda
-kresidenan bengkulu
-keresidenan lampung
-keresidenan palembang
-provinsi sumatera selatan tahun x (sebelum terpecah dalam 5 provinsi)

inspirasi cerita:
-bokapku pernah cerita bahwa dijaman dulu di krui pernah ada suatu tempat khusus yang menjadi magnet para pendekar silat dari seluruh lampung,untuk mengadu kesaktian dan kehebatan.yang hebat dan menariknya serta luar biasa bagiku.para pendekar silat itu senghaja membawa peralatn memasak dan perbekalan.adu ketangkasan dan kesaktiannya di tempat khusus dan sepi,disana mereka bertarung secara kesatria selama berhari2 hingga ada yang kalah,mati atau menyerah.hingga kelelahan jika seimbang maka akan seangkonan muwari dan saling menghargai.yang uniknya lagi jika sudah tiba waktunya makan maka mereka istirahat makan,tentunya memasak dulu dengan periuk.bahkan mereka masak bersama,makan bersama,dan tidur bersama.rigu sekicik lah dalam bahasa lampung nya.saaat kedua  nya sepakat bertarung maka akan bertarung lagiii.
-pengetahuan sejarah ku


catatan:
-hanya sebagai sinopsis awal,sebagai garis besar membantu penulisan.sewaktu2 bisa berubah tergantung perkembangan cerita,imajinasi,inspirasi,dan masukkan2.
kira2 apilagi ya?...hemmmmmm.....
Suka · ·
Diposting oleh di Tidak ada komentar:
Label:

TUNJUKKAN LAMPUNGMU

YanRizwar Al-lampungi membuat dokumen.
TUNJUKKAN LAMPUNG MU !!!!!!!!
saat ini,adalah saat nya,RAM lampung menunjukkan lampung nya dengan bangga,seperti kata ir sukarno "ini dadaku,mana dadamu".tentu saja dalam makna yang positif.lampung dulu nya sangat bergaung dan tercatat dalam lembaran lama sejarah,lembaran sejarah tua,yang tersingkap menyatakan ke eksisisan bangsa lampung.meski dalam perjalanan sejarah bangsa ini seolah di anak tirikan dan seakan kecil gauangnya di pentas dunia.jangan pasrahkan tanggung jawab sejarah lampung pada orang lain namun marilah ram bergandengan tangan maupun sendiri sendiri,menununjukkan inilah lampung sebisa dan sekuat yang di mampu.mulai dari menunjukkan nama2 yang berbau lampung di jagad maya ini,maupun mensosialisasi dan mempropogandakan lampungisme dalam tataran teoritis dan praktik.lampung harus mudah di identifikasi,harus mudah di telusuri,mudah di kaji dan mudah di abadikan dalam catatan2 para peneliti,pengkaji,penyimak dan penikmat kelampungan.kita harus menunjukkan lampung dengan kebanggaaan dan memunculkan gema dan gaung lampung lebih besar dan lebih masifff kepermukaan dengan terang terangan dan tanpa sungkan sungkan.

Suka · ·
Diposting oleh di Tidak ada komentar:
Label:
Langganan: Postingan (Atom)