SEGATA ADHEY BOGHER 2014 - *CECABIYAN*-

Ulank's Dhadha‎HULUN LAMPUNG BUWAYAK

34 menit ·

Tabik jama puakhi sai wat HLB,ikam numpang segata cutik.
~" CECABIYAN "~
Astaga zaman ganta..
Khadu wat kesumangan
Sanak lagi mengukha..
guai mak ke'uyunan
Midokh mit dudi dija..
mulang ni kekheloman
Andah haga bugaya..
nutuk hili ni zaman

Lakun ni sanak kota..
istilah CABI CABI-an
Mugegoh injuk banda..
jadi bahan takhuhan
Lamon lagi sekula..
cadang mak kebenokhan
Midokh mit dipa juga..
Ngaji guai luangan
Nayah nihan pekhtanda..
muli sai cecabi-an
Ipon mulai tikuta ( Behel )..
pakai ni lalagak-an
Rok incang tak paha..
kuk pusokh keliak-an
Kawai mak bunanaha..
mak patut ya dibadan
Kuk bedak tampal khua..
gincu so kesuluhan
Ya lapah pakai gaya..
suyut so ngikhi nganan
Khepa ulun mak uba..
kik kheno pengguai-an
Uleh sai khua juta..
lakha sunyin ni badan
Sinji kudo pekhtanda..
bela ni akhir zaman
Kiamat sai Qubra..
sai di tunjukko tuhan
Manusia mak khabai dusa..
Dusa jadi mainan
Ticawa mak kanik cawa..
tibutong lain butong-an
Allahhu subhannaka..
tulung pai kidah tuhan
Keni pai tian tanda..
azab-MU pedih nihan
Sakik ni lahawala..
lain haga sandangan
Kik badan mak bunyawa..
tinggal nunggu gilekhan ( Hahakhi do )
Maaf sai kik mak khiya..
ngilu nyak dang sebik'an
Hinji wakhan khiya..
dang jadi pekhkajian
Pakai nekham jejama..
selaku hambani tuhan
Kiwat sai mak nekhima..
umbanko di hiliyan
Lain maksut ni cawa..
haga ngilu ketimbalan
Tabik sai mak khiya..
cawa lain sendekhan
Cukup pai attak ija..
AM ZAH YA diakhiran
Lain pintakh agama..
jaoh kik sai tutukan
___________________________________________________
( 01-02-2014 )

Suka · · Bagikan

• Thethemid B'ken dan 3 orang lainnya menyukai ini.
• 

  Tulis komentar...