PUJANGGA LAMPUNG =Thethemid B'ken

Thethemid B'ken

4 April

Kelom bingiku tekhang
Wuwwah sunyinni bumi
Andah siakhni bittang
Bulan panjak dihak udi

Mak lagi sai buhiwang
Musim khadu bugatti
Dekhani mulai tekhang
Panglabung mawat lagi

Tanno mulai bukakhang
Muloh kala sakeji
Kalau kham pakhda senang
Mak lagi peddeh hati

Nekham sai lapah midang
Dang lupa mu sekali
Ingok - ingok khang mulang
Lambanmu,,, layin sinji

Dang asal bangik pandang
Cuba penyin pastiti
Hakhi - hakhi kittu nyadang
Mak guna miwang dukhi

Asing cakha ngebabang
Halok mawat bukhatti
Angon telanjokh cadang
Sunyin tinggal bubiti

Kattu payu kham bujippang
Ngekhilong kanan - kikhi
Lebonko pungah bakkang
Kham pakai ilmu pakhi

Kik nekham ngandan kumbang
Tisikham debi - pagi
Kalau buahni mak cadang
Najin panas bukhani - khani

Tangerang, 04-04-2014. — bersama Hendri Semaka dan 4 lainnya.