'WAYAK JAK KHIMBA'
29 Mei 2010 pukul 19:22
Lemawong khaja khimba.
Lamon di tanoh lappung.
Khappa iwa mak gamba.
Mandi disambang simung.
Singai tandang seladak.
Selasa tegi khani.
Gemmul di tabuk landak.
Uccal ngedamai konni.
Umang2 lom ondom.
Khabay dimatakhani.
Ipos manjau di sekhom.
Marok tan sappai pagi.
Tennai na bekhuk sakik.
Kelejjuan dekhuyyan.
Killang segaga gagik.
Kitik digok tenggalan.
Tupay midokh khik puyuh.
Singgah di temelawot.
Tungu lagi mekhuyuh.
Besunu'an di tuwot.
Agas nyalai dibakau.
Pujama lawah kala.
Baning nunang ko kibau.
Dunia gintokh lala.
Gakhak pedom bah batu.
Minjak ya kemawasan.
Lekok bangkil khik hitu.
Khigu tyan sepagasan.
Kekubung gulai khebung.
Mengan di atas lassak.
Tellu tahun mak labung.
Mati nyak..! hani libak.
Kuwol khabai sekhimol.
Bukekalah jekhangau.
Nyesol nyak hani kuwol.
Ngedok mattu semabau.
Sapi ngarit tambiyu.
Pakai pemengan sawukh.
Lindung masang ko bubu.
Mosong ngawil disumukh.
Halupan cukut lamon.
Nyalai di isa-isa.
Wat caccah sakik ipon.
Kelejjuan belasa.
Sekebbuk kelabungan.
Bu-indom dibbah kulak.
Kibau mak bangik mengan.
Dicucuk khuwi salak.
Menyingok khik pepawa.
Nyippok mengan diluppak.
Sebbab dikanik sawa.
Dibbah batang ketupak.
Mati sakik saluang.
Ditinggal induk mati.
Siyoh mejong di gakhang.
Sendali nginum kupi.
Senggekhanai di sekhay.
Luccak jak jukuk liyoh.
Senggekhak balak tenai.
Jak ngunyal tupai tanoh.
Hennik bukayuh jukung.
Nyembekhang way semaka.
Tennuk di tinjuk lindung.
Magas bukhung berkaka.
Buha laga khik kicak.
Hampulap nyaksi konni.
Si wasit ni kamincak.
Minan kennui juri ni.
Bettuk mandi di waysom.
Bulandok dibengkunat.
Khappa hokhol mak liyom.
Khadu tuha kung sunat.
Kuya ngawil di sikhing.
Gumah di iwa kalang.
Munduk butakhi pikhing.
Sekhindik ngakkak lalang.
Manuk ngagettas pakhi.
Ditulung bukhung mayang.
Liman dicucuk khuwi. (tabik..)
Teggakh mulang ya miwang.
Napuh ngamaling limau.
Bubagi haguk hani.
Patak ngaji disukhau.
Bekhuga ngalajakhni.
Ulay bupincak khakot.
Lawan ni cengkerelong.
Munduk di cucuk tohot.
Bu ubat-ya di gelong.
Tabik.
Bekasi, 29 Mei 2010
Lamon di tanoh lappung.
Khappa iwa mak gamba.
Mandi disambang simung.
Singai tandang seladak.
Selasa tegi khani.
Gemmul di tabuk landak.
Uccal ngedamai konni.
Umang2 lom ondom.
Khabay dimatakhani.
Ipos manjau di sekhom.
Marok tan sappai pagi.
Tennai na bekhuk sakik.
Kelejjuan dekhuyyan.
Killang segaga gagik.
Kitik digok tenggalan.
Tupay midokh khik puyuh.
Singgah di temelawot.
Tungu lagi mekhuyuh.
Besunu'an di tuwot.
Agas nyalai dibakau.
Pujama lawah kala.
Baning nunang ko kibau.
Dunia gintokh lala.
Gakhak pedom bah batu.
Minjak ya kemawasan.
Lekok bangkil khik hitu.
Khigu tyan sepagasan.
Kekubung gulai khebung.
Mengan di atas lassak.
Tellu tahun mak labung.
Mati nyak..! hani libak.
Kuwol khabai sekhimol.
Bukekalah jekhangau.
Nyesol nyak hani kuwol.
Ngedok mattu semabau.
Sapi ngarit tambiyu.
Pakai pemengan sawukh.
Lindung masang ko bubu.
Mosong ngawil disumukh.
Halupan cukut lamon.
Nyalai di isa-isa.
Wat caccah sakik ipon.
Kelejjuan belasa.
Sekebbuk kelabungan.
Bu-indom dibbah kulak.
Kibau mak bangik mengan.
Dicucuk khuwi salak.
Menyingok khik pepawa.
Nyippok mengan diluppak.
Sebbab dikanik sawa.
Dibbah batang ketupak.
Mati sakik saluang.
Ditinggal induk mati.
Siyoh mejong di gakhang.
Sendali nginum kupi.
Senggekhanai di sekhay.
Luccak jak jukuk liyoh.
Senggekhak balak tenai.
Jak ngunyal tupai tanoh.
Hennik bukayuh jukung.
Nyembekhang way semaka.
Tennuk di tinjuk lindung.
Magas bukhung berkaka.
Buha laga khik kicak.
Hampulap nyaksi konni.
Si wasit ni kamincak.
Minan kennui juri ni.
Bettuk mandi di waysom.
Bulandok dibengkunat.
Khappa hokhol mak liyom.
Khadu tuha kung sunat.
Kuya ngawil di sikhing.
Gumah di iwa kalang.
Munduk butakhi pikhing.
Sekhindik ngakkak lalang.
Manuk ngagettas pakhi.
Ditulung bukhung mayang.
Liman dicucuk khuwi. (tabik..)
Teggakh mulang ya miwang.
Napuh ngamaling limau.
Bubagi haguk hani.
Patak ngaji disukhau.
Bekhuga ngalajakhni.
Ulay bupincak khakot.
Lawan ni cengkerelong.
Munduk di cucuk tohot.
Bu ubat-ya di gelong.
Tabik.
Bekasi, 29 Mei 2010
- Hendri Semaka, Diandra Natakembahang Poerba, Abdi Utama dan 14 lainnya menyukai ini.
Diandra Natakembahang Poerba Ha.ha.ha...... This is extraordinary, luar biasa mantap Mamak, 4 thumb up........
Iskandar Khadin lemawong=harimau, iwa=ikan, simung=musang, gemmul=beruang, Uccal=rusa, Ipos=kecoa, sekhom=semut, gamba=gamang
- Iskandar Khadin GUMAH ki basa Krui = lamon, nayah. banyak. Gumah anak, gumah khezeki. ha..ha..haa...
- Hendri Semaka tamong khadin lampung: iya kik bahasa lampung, din. Wat moneh 'along' ki di kham semaka.
Si sikam maksud 'bahasa indonesia' na, khadin.
Ulih ki banyak kan: lamon. - Iskandar Khadin Gumah udi kata sifat. Massal lamon. Jadi ki bahasa indonesia ni "Mendapat Banyak", atau dapat banyak. Jadi mak ngedok istilah "Gumah jamma", harusni "lamon jamma". Ki kham jak ngejala, massa iwa lamon, ampai tucakko gumah iwa.
- Iskandar Khadin Dapok munih " gumah hutang". kehtini berhutang banyak. Bida tipis jamma "lamon hutang".
- Hendri Semaka haa..haa..haa..
Ya paham khadin. Khettina kata sifat, ya. Temon khadin, ki kham jak ngenai dekhuyyan subuh, massa lamon, gumah moneh ya din. Haa,haa... - Iskandar Khadin Wat say lagi ; hampir sepadan, kidang khetini negatiF.istilah "GUMBU". Hampir geggoh maksudni. Kidang tipakai untuk sifat negatif. Contoh: gumbu dijuwayok, gumbu dikoreng, gumbu dihutang. (memiliki banyak jerawat, banyak koreng, banyak hutang)..geggoh negakha kham. "Gumbu di hutang".
- Hendri Semaka Intan Gawoh Kidah: benni adek kahud,, khua minggu kukhang.. haha..
(mahap ajo mak kena balos tellu tahun say liwat) mahap nihaaan.. hee.. 
Tidak ada komentar:
Posting Komentar